വാഷിംങ് മെഷീന് ഉപയോഗിക്കാന്‍ തുടങ്ങിയതോടെ തുണി അലക്കല്‍ എന്ന അമിത ജോലിഭാരം പലര്‍ക്കും കുറഞ്ഞിട്ടുണ്ട്. പലരും തുണി അലക്കാന്‍ ഇന്ന് വാഷിംങ് മെഷീന് മാത്രമേ ഉപയോഗിക്കാറുള്ളൂ. പല തരത്തിലുള്ള മെഷീനുകള്‍ ഇപ്പോള്‍ വിപണിയില്‍ ലഭ്യവുമാണ്. എന്നാല്‍ വാഷിംങ് മെഷീനില്‍ തുണി അലക്കുമ്പോള്‍ എങ്ങനെ മെഷീന് ഉപയോഗിക്കണമെന്ന് അറിയാത്ത ആളുകള്‍ ധാരാളമാണ്.
അതില്‍ ഏറ്റവും പ്രധാനപ്പെട്ട തെറ്റാണ് മെഷീനില്‍ വസ്ത്രങ്ങള്‍ ഇടാനുളള കപ്പാസിറ്റിയെക്കുറിച്ചുളള അളവ്. മെഷീന്റെ വൈവിധ്യത്തോടൊപ്പം വസ്ത്രങ്ങള്‍ ലോഡ് ചെയ്യാനുള്ള ശേഷിയും വ്യത്യസപ്പെട്ടിട്ടുണ്ടാവും. കഴുകാനുള്ള എല്ലാ വസ്ത്രങ്ങളും കൂടി ഒരുമിച്ച് മെഷീനിലേക്ക് ഇട്ട് പെട്ടെന്ന് പണിതീര്‍ക്കാന്‍ ഇഷ്ടപ്പെടുന്നവരാണ് മിക്കവരും. വസ്ത്രങ്ങള്‍ വൃത്തിയാകുന്നുണ്ടോ എന്ന് പോലും ചിന്തിക്കാറില്ല.
അഞ്ച് കിലോഗ്രാം മുതല്‍ ഏഴ് കിലോഗ്രാം വരെ ഭാരമുളള വാഷിംങ് മെഷീനില്‍ അഞ്ച് കിലോ വരെ ഇടാവുന്നതാണ്. മെഷീന്റെ വലിപ്പത്തിനനുസരിച്ച് അളവും വര്‍ധിക്കും. മെഷീന് 6 കിലോഗ്രാം വരെ ശേഷിയുണ്ടെങ്കില്‍ 810 കനം കുറഞ്ഞ വസ്ത്രങ്ങള്‍ കഴുകാന്‍ സാധിക്കും. അതില്‍ ടീഷര്‍ട്ടുകള്‍, ഷര്‍ട്ടുകള്‍ ഇവയൊക്കെ ഉള്‍പ്പെടുത്താവുന്നതാണ്. മെഷീന്റെ ഭാരം 9 കിലോയില്‍ കൂടുതലാണെങ്കില്‍ ചില ഭാരമുളള വസ്ത്രങ്ങള്‍ ഉള്‍പ്പടെ 16എണ്ണം വരെ കഴുകാവുന്നതാണ്.
വാഷിംഗ് മെഷീനില്‍ ഒരിക്കലും നിറയെ വെള്ളം നിറയ്ക്കരുത്. എപ്പോഴും നാലില്‍ മൂന്ന് ഭാഗത്ത് മാത്രമേ വെള്ളം നിറയ്ക്കാവൂ. വസ്ത്രങ്ങള്‍ ഇട്ട് കഴിയുമ്പോള്‍ കൈ കൊണ്ട് പരിശോധിച്ച് നോക്കിയാല്‍ അതില്‍ സ്ഥലമുണ്ടോ എന്ന് മനസിലാകുമല്ലോ. അതനുസരിച്ച് വസ്ത്രങ്ങള്‍ വീണ്ടും ഇടുകയോ എടുത്ത് മാറ്റുകയോ ചെയ്യാം. കുത്തി നിറച്ച് വസ്ത്രങ്ങള്‍ ഇടുമ്പോള്‍ വസ്ത്രങ്ങള്‍ ശരിയായി കഴുകാന്‍ സാധിക്കില്ല. ഇത് മെഷീന് പരിധിയില്‍ കൂടുതല്‍ വര്‍ക്ക് ചെയ്യാനും പെട്ടെന്ന് കേടുപാടുകള്‍ ഉണ്ടാകാനും വൈദ്യുതി കൂടുതല്‍ ഉപയോഗിക്കാനും കാരണമാകും.
Content Highlights :This one mistake while washing clothes is enough to damage the washing machine and increase your electricity bill